Selasa, 24 Juni 2014

Onok Roso Seneng Sakmarine Susah

Heran aku, ben ngelakoni opo-opo mesti ngenteni aku kate potos asa kaet metu hasile. Koyok anu iko, pas ngurus kuliah. Pas semangat-semangat malah hasile dikongkon revisi, eh barang entok 3 minggu mbolak-mbalek revisi aku wes kate potos asa, aku asal-asalan ngerevisine. Budal nang dosene wes gak semangat, eh malah disetujui ambek dosene. Eroh ngunu, mending mulai awal ae aku asal-asalan ngerevisine ben kenek dadi judul FTV "Karya Ilmiah Asal-asalan Mengantarkanku Jadi Wisuda" ahay.....iling-iling wisuda, kapan aku wisuda coy?

Kiro-kiro kenopo yo kok mesti lek wes kate potos asa kaet metu hasile? opo Pengeran lagi ngajak guyon? ben aku tetep semangat mangkane dikei hasil, nyobak gak dikei hasil mesti wes potos asa, stress, gendeng, lan sak piturute. Opo pengeran nggudo aku? Tapi mosok Pengeran seneng ndelok ummatE soro? eits, paleng Pengeran seneng ndelok wong seneng bingiiit, kan sak durunge seneng kudu onok susahe. Lek gak susah, engkok senenge gak keroso seneng banget, lek mari susah teros senenge iku kroso suweneng banget.

Koyok banyu kali nyobak bendungen, teros lek banyune wes amber-amber jebolen bendungane, lahyo miline banyu iku buanter banget. Nyobak gak usah dibendong, lahyo banyune melakune tetep-tetep ae. Banyu kaline iki diumpamakne roso seneng, bendungane diumpamakne roso susahe.

Dadi kudu dieleng "onok roso seneng sakmarine susah" hahahaha.... metuek pol.

0 komentar:

Posting Komentar

 
Free Website TemplatesFreethemes4all.comFree CSS TemplatesFree Joomla TemplatesFree Blogger TemplatesFree Wordpress ThemesFree Wordpress Themes TemplatesFree CSS Templates dreamweaverSEO Design